Bir Şâha Kul Olmak Gerek Hergiz Ma'zûl Olmaz Ola

NUTK-İ ŞERÎF

Bir şâha kul olmak gerek hergiz ma'zûl olmaz ola

Bir eşik yasdanmak gerek kimse elden almaz ola

Bir kuş olup uçmak gerek bir kenâra geçmek gerek

Bir şerbetden içmek gerek içenler ayılmaz ola

Çevik bahrî olmak gerek bir deryâya dalmak gerek

Bir gevher çıkarmak gerek sarrâf anı bilmez ola

Bir bahçeye girmek gerek hoş teferrüc kılmak gerek

Bir gülü yıylamak gerek hergiz ol gül solmaz ola

Kişi 'âşık olmak gerek ma'şûkunu bulmak gerek

'Aşk oduna yanmak gerek ayruk oda yanmaz ola

Bir toyu toylamak gerek bir soyu soylamak gerek

Bir sözü söylemek gerek kimse anı bilmez ola

Kişi Hakk'ı bilmek gerek Hakk haberin almak gerek

Zinde iken ölmek gerek varup anda ölmez ola

Miskîn Yûnus var dek otur yüzünü Hazret'e götür

Tapduk'layın bir er getir hîç cihâna gelmez ola

Yûnus Emre

Kuddise Sırruh