Bu Dervîşlik Durağı Bir Acâib Durakdır

NUTK-İ ŞERÎF

Bu dervîşlik durağı bir 'acâib durakdır

Dervîş olan kişiye evvel dirlik gerekdir

Çün anda dirlik ola Hakk ile birlik ola

Varlığı elden koyup ere kulluk gerekdir

Kulluk eyle erene şarkdan garbı görene

Senden haber sorana key miskînlik gerekdir

Miskîn olagör bâri benlikden ırak yürü

Gönlünde benlik olan dervîşlikden ırakdır

Hakk ere benim dedi varlığın erde kodu

Erenlerin himmeti yerden göğe direkdir

Bu dervîşlik berâtın okumadı müftîler

Kim ne biliser bunu bir 'acâib varakdır

Ey Yûnus 'ârif isen anladım bildim deme

Tut miskînlik eteğin âhir sana gerekdir

Yûnus Emre

Kuddise Sırruh