Dervîş Olmakdan Murâd Yokluğu Kâr Etmek Gerek

NUTK-İ ŞERÎF

Dervîş olmakdan murâd yokluğu kâr etmek gerek

"Lâm-elif lâ raybe"nin sırrın şikâr etmek gerek

Bulmağa genc-hâneyi 'ayne'l-yakîn hakka'l-yakîn

Bu vücûdun hânesin nûrdan hisâr etmek gerek

Tâlib isen görmeğe bir Tanrı'nın dîdârını

Bu hevâ cismin koyup terk-i diyâr etmek gerek

Sizlere lâyık olandır söyleyip şerhetdiğim

Evliyânın hizmetini ihtiyâr etmek gerek

Mekr-i şeytân fitnesinden nefsini kurtarmağa

Kalb diliyle tevhîdi leyl ü nehâr etmek gerek

Sırr ile senden gelip söylemeğe cân bülbülü

Bu vücûdun bâğını nûrdan bahâr etmek gerek

Kalbinin emrâzını fehm etmeğe n'olsun delîl

Tevhîd-i zâtla ana kardaş tımâr etmek gerek

Çaldırtma duymasın zâhid bu zevkin ma'nâsın

'Ârifâne cân ile vasl u şikâr etmek gerek

Gitmesin senden ebed dersen eğer nûr-i İlâh

Vâhibî sen kendini tevhîde yâr etmek gerek

Abdülvehhâb Ümmî

Kuddise Sırruh