Tâlib-i Fakr u Fenâ Olanda İstiğnâ Gerek

NUTK-İ ŞERÎF

Tâlib-i fakr u fenâ olanda istiğnâ gerek

Hiç kenârı olmaya hem düşdüğü deryâ gerek

Kâl u kıylden yok tesellüm derdmend bî-çâreyem

Gayrısı lâzım değil zâtındaki ma'nâ gerek

Nefsini fehmetmeğe verdim haber anlandı sen

Çelmeğe kudret topunu bir ulu sahrâ gerek

Yürü var baş eğmeziz biz zâhidin ferdâsına
Şübhesiz hakka'l-yakîn âşıklara Mevlâ gerek

Şübhesin halletmeğe miskîn Vehâb'ın cân ile
Dersini aşkdan alır gelir mollâ gerek

Göresin şu hûbu kim zâtında olmaya zevâl
Sevdiğin mahbûb senin gâyet de müstesnâ gerek

Dü cihânın lezzetinden lezzet almaz Vâhibî
Dost elinden her nefesde feyz alan helvâ gerek

Abdülvehhab Ümmi

Kuddise Sırruh