Zamâne Halkını Fehmeyle Olma Sen Mağrûr

NUTK-İ ŞERÎF

Zamâne halkını fehm eyle olma sen mağrûr

Gönülde dostu bulup her nazardan ol mestûr

Ne lutfu var bir alay kalbi haste-bestelerin

Koy ehl-i gaflet ü cehli sen eyle dilde huzûr

Çü nâsa nâs olur âfet bu nâsı ol nâsî

Ki Rabb-i nâs ile bulsun dil üns olup mesrûr

Gönülde Halık'a zâhirde halka teslîm ol

Muhâlif olma ki şöhretdir âfet ü şerr ü şûr

Hezâr zevk ü sürûr şifâ-yı sadrı bulur

Ol cân ki oldu gam ü dilde 'aşkdan rencûr

Gönül ki 'aşk ile hayydır o mevti görmez hiç

Hemîşe arş-ı Hudâ'dır o hâne-i ma'mur

Açup gönül gözünü her yâne temâşâ kıl

Ki bu musavver-i hâki lebâleb olmuş nûr

Bu dîdeden nice mestûr olur o 'aşk-ı cemîl

Ki bir nefes değil aslâ bu hâtırımdan dûr

Cihâna zerre gözünden nazar kıl ey Hakkı

Ki eylemişdir o hurşîd zerrelerde zuhûr

İbrahim Hakkı Erzurumi

Kuddise Sırruh